عدول عن النقل ..من يقدر يساعدني

[استفهام]

السلام عليكم ورحمه الله

اعزائي الي عنده قدره يساعدني او يشير علي ..

انا معلمه قدمت نقل الى منطقه اخرى واريد الغاءه ..اتصلت على ادارة التعليم بمنطقتي وقلت ابي اعدل عن النقل وكل يوم يقولي انتظري ماوصلنا شي ..المهم اتصلت عليهم يوم السبت قال والله يا اختي جتنا الاوامر انا نرفع الاوراق يوم الاربعاء اخر الدوام ورفعناها وحنا اسفين ..طبعا الاسف ماينفع لكن انا ابي اجلس ما ابي انقل وش الحل ..وش يصير علي لو رفضت انقل واصريت اني ابقى في مدرستي ..

[ثلاثينى مثقف]

انصحك بارسال خطاب اعتذار عن النقل موجهه لرئاسة العامه لتعليم البنات بالرياض مع ذكر الاسباب
وفي حاله صدرور النقل ورفضتي ذلك مايصير شي ابدا
يؤخذ عليكي تعهد بعدم المطالبه بالنقل عامين على ماذكر.

[استفهام]

قـــــــــــول امـــــــــــــين ياثلاثينـــــي ...

وسع الله لك في رزقك وقبرك ..ويسر الله لك اموووورك جميعها ..انت ماتدري كلمتك هذي وش لون ريحتني لو حتى ماكنت متاكد ..لاني من السبت ماذقت طعم لاللاكل ولا الراحه حتى المسؤول الي كلمته بادارتي يقول مالك حل الا المباشره هناك وربي جنني كل ما اساله عن شي يقول ماعندي علم حاطينه بشؤون المعلمات شلون مادري ..مابي انقل لو بعد عشر سنين اهم شي ما اروح هناك

[ثلاثينى مثقف]

امين يارب وانتي كذلك الله يحفظك ويزيل همك وتنقلين للمكان المناسب لكي بأذن الله
يفضل اختي استفهام تقديم خطاب عدول عن النقل من باب اخلاء المسئوليه.