قصه وقصيده واحد راح يخطب ؟؟؟شروط في قمه التعجيز

[أمل الجنوب]

سبحان من يرزق بتوع الملاييـن

الرازق اللي ما يخيب الرجـا بـه-

لي عم عنده معـرضٍ للصواليـن

أموت واعرف بس من وين جابـه -

وإذا سألته قـال بعـت الدكاكيـن

ما يدري إني ما هضمت الإجابـه -

الشاهد إني رحت له قبـل يوميـن

في قصره العامـر ودقيـت بابـه -

قال ارحب ارحب عدّ ورد البساتين

يا مرحبا باللـي لفـا يـا هلابـه -

قلت البقا عـدّ النفـل والرياحيـن

يا شيخ شمل اهل الكرم والذرابـه-

قال اسلم الله يحفظك لي من العين

وآمر أوامر حضرتـك مستجابـه -

قلت الصراحة طالبٍ قرب غاليـن

ودي تزوجنـي كريمتـك يـابـه-

ثنّى وقال اهليـن والله وسهليـن

والكون ترخص لجل عينك رقابـه -

لكن ترا عندي شـروط وقوانيـن

قلت اشرط اشرط يا حبيب الغلابـه -

قال أولاً مهر العروسـة ثمانيـن

غير الرسوم وغير حق العصابـه -

والثانية عمك يبي منـك سبعيـن

رسم الأبـوّة والنسـب والقرابـه-

وام العروسة حقها منـك ستيـن

عشانها ست الحسـن والمهابـه -

واخوانها كلن يبي منـك خمسيـن

عداً ونقـداً تنـدرج فـي حسابـه-

وخواتها الخمس اعطهن من ثلاثين

عشان تتوثـق عـروق النسابـه -

وتجيب طقم عيار واحد وعشريـن

وخاتم من الماس المصفى ترابـه-

واكياس متروسة كعوب وفساتيـن

ألوانهـا واشكالهـا مـا تشابـه -

وموتر بسواقـه وفيـلا بدوريـن

أثاثهـا مـن بطرتـه ينحكـابـه -

واحجز لنا قاعة بقصر السلاطيـن

واحجز بهـا رقاصتيـن وربابـه -

وامنع دخول اهل اللحى والبزارين

واعزم أميـر المنطقـة بالنيابـه -

هذي الشروط اللي على بالي الحين

وذكرني اللي ما حسبنـا حسابـه -

قلت اذكر الله يا عـدو المساكيـن

واستغفـره لا يبتلـيـك بعـذابـه -

الظاهر إنك منت عارف أنا ميـن

أنا لو ارقا فـوق متـن السحابـه -

ما جبت حتى نص درزن مواعيـن

واضحك بكيفك واعتبرهـا دعابـه-

شروطكم هذي شـروط المجانيـن

شروطكم شغـل ابتـزاز ونهابـه -

شروطكم تقصم ظهـور البعاريـن

شروطكـم همّـن وغـم وكآبـه -

شروطكم والله سيوف وسكاكيـن

تذبح بنات المجتمع مـع شبابـه -

وين الرضا والعطف واليسر واللين

اللي ذكرهـا الله بمحكـم كتابـه-

وين الصفات اللي أمرنا بها الديـن

وين اختفى نهج النبي والصحابـه -

يا عم جعل اللي خلقنا من الطيـن

يرد عقلك مـن خطـاه لصوابـه -

ويجعل نصيبي عند غيرك قل آمين

ويحسن عزا الصابر ويجزل ثوابه -

قال انت لو فكرت تفكير صاحيـن

ما شفت في مجمل شروطي غرابه -

حنا بعصـر العولمـة والمزاييـن

ماهوب عصر الفلسفة والخطابـه -

الناس تسعى للرتـب والنياشيـن

وانت اهتمامك بالشعـر والكتابـه-

والشعر ما ينفعك لو هو دواويـن

ما دام جيبك مثـل بيـت الخرابـه -

يا بوك لا تسمع كلام المصاخيـن

واسأل مجرب عاش في وسط غابه -

قلت الله اكبر يا محـرر فلسطيـن

من يسمعك يحسبك ذيـب الذيابـه-

تراك شايب راس مالـك رياليـن

والبنت ما تسوى جنـاح الذبابـه -

قال انقلع مالت على وجهك الشين

لا عاد اشوفـك عندنـا يالزلابـه -

قلت ابشر ابشر لكن الباب من وين

واقفيت من عنده على صوت بابـه..

منقول ...

[أحلامي كثيره]

صح لسانك ههههههههه
قصيده رائعه ههه الله يعين الشباب هذا شئ قليل صراحه
هههههه ,,
يسلمو حبيبتي ع القصيده الحلوه مثلك ,,

[zawaia]

تسلمين عزيزتي
الكلمات مره صادقة
تبين مدى الواقع اللي يعيشه الشاب في وقتنا الحالي
من تكاليف المهوور وغيرها

دمت

[businessmed]

ههههه قصيدة في محلها للاسف ...
الله في العون..
تسلم يمينك عل الطرح اختي...

[أمل الجنوب]

أحلامي كثيره ... businessmed ..... zawaia

اشكركم جمعيا على مروركم
وفعلا للاسف هذا وقعنا الان

لكم مني كل التقدير
تحياتي ....

[أمل الجنوب]

weddinggawnswholesale is one of biggest plus size wedding dress (http://www.weddinggownswholesale.com/plus-size-wedding-dresses-c-164.html) distributor in china. We are specializing in china plus size plus size wedding dress wholesale (http://www.weddinggownswholesale.com/plus-size-wedding-dresses-c-164.html). We could offering plus size wedding dress, including plus size wedding dress accessories, high quality but lowest price plus size wedding dress. And all our wedding dresses are top quality and can be custom made by your request.free tailor-made, carefully hand-crafted every detailreliable product quality, our commitment is that refund if unsatisfiedthe low price and the quality guarantee http://www.weddinggownswholesale.com/plus-size-wedding-dresses-c-164.html

بس ابفهم هذا وش هو تكمله للموضوع
او ترجمه

[الياسمين الشامي]

قلت الله اكبر يا محـرر فلسطيـن

من يسمعك يحسبك ذيـب الذيابـه-

تراك شايب راس مالـك رياليـن

والبنت ما تسوى جنـاح الذبابـه -

قوووووووووووووية،، هههههههههههه تسلم يدك اختي امل

[حسن]

روعه روعه تسلمي اختي الكريمه

[أمل الجنوب]

قلت الله اكبر يا محـرر فلسطيـن

من يسمعك يحسبك ذيـب الذيابـه-

تراك شايب راس مالـك رياليـن

والبنت ما تسوى جنـاح الذبابـه -

قوووووووووووووية،، هههههههههههه تسلم يدك اختي امل

تلومينه من القهر هذا الكلام ..

حياك عزيزتي نووووووورتي يالغاليه

[أمل الجنوب]

روعه روعه تسلمي اختي الكريمه

شكرا للمرورك اخوي ..