لو خانك اعز انسان؟وش بترد عليه في بيت شعر

[قايدة الريم]

...............
لو خانك أعز ناسك سواء حبيب أم صديق

فماهي رسالتك لهذا الخائن ؟؟

ماهي الأبيات التي تود أن تنقلها لــــه ؟؟


راح أبدأ أنا :





ارجوك تسكت لا تكلم ولا بحرف
مالك عذر مالك كلام تقوله

ياشيـخ اسف وين بلقي لها صرف
مادام قلبك انكشف لي ميوله

ياماعيوني اذرفت دمعها ذرف
وياماسهرت الليل اشتاق واوله

راحت حياتي وانا من جرف لي جرف
وانا احسب ان الحب هذي اصوله

انا دخيلك ودي اليوم اعرف
وشلون تنساني بهذي السهولة؟؟

هي الخيانه والكذب عندكم عرف
او الوفاء في هذا الزمن ما تطوله


ياليت اشوف ردكم

[مهره]

بنت الشيوخ

ردي عليه هو

تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيزة النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبهجره وبهجر كل شخص لي يطريه


السموحه على القصور

[قايدة الريم]

بيت شعر رائع واشكرك على المرور

[حايره الدوسري]

ردي للخاين واغلى خاين
الله يجازيه!

يا خاين حبك وش حاجتي فيه
وش حاجتي في حبٍ انا صنته
اصونه ومن وراي مسوي بلاويه
كلامه جــرح وعلى باله رضيته
انا قلبي طعون منه ومن يداويه
يقول ارخصتني يوم بعدي بغيته
بعدك بغيته من لسانك ربي يجازيه
بعدك بغيته من سواياك انا هويته

شعر/حايره الدوسري

[مسير]

ليه تجازيني بالخيانة ليه تجرح قلبي الوافي

[قايدة الريم]

اشكر كم على المرور والمشاركه

[شاعر الغرام]

موضوووع حلوو .. وجميل ويستحق الجديه

إلا انني اليوووم مبسووط ولا ابغى اكدر خاطري بمثل هذه الأمور

وحبيت اشارك بهذه الابيات :-



رح في طريقك وابتعد لا تجيني=نذر علي ان جيت لاحووس شكلك
لاتحسب إنك وسط قلبي وعيني=لاقص رجلي لو تجي في محلك
خاين وابلقى ناس غيرك تبيني=روّح ولا ترجع عسى الله يعلك



شااااااااااعر الغراااااااااام

[الريفاااال]

برد عليه واقله
وطعنتٌ الغدر من غالٍ امنت له
جرحٌ على الدهر لا بشفيه نسيان

[قايدة الريم]

اشكرك شاعر الغرام على المشاركه الرائعه

[قايدة الريم]

اشكرك الريفال على المداخله