اللي مابيدخل بيفوووووووته نص عمررررره.....

[ظبيانيه قمر22]

ياااااشباب ويا(بنات ياحلوين)....

خلونا شوي نرجع للماضي ونتذكر أحلى أيام عشناها وطبعا هي أيام الدراسه....

كل واحد فيكم يكتب أحلى و(أقوى)المواقف اللي مر فيها أيام دراسته سواء كان فالمرحله الابتدائيه أو الاعداديه أو الثانويه...

(جامعه لاااا خلونا نتخرج وبعدين نكتب عنها)...

أرجوووووو من الجميع المشااااااااااااااركه

[ظبيانيه قمر22]

وأنا ببدا بأول مشاركه وبطلع(فضايحي)...:cool:

فالابتدائي كنت هادئه ومتفوقه وعلى نياتي....
كبرنا شوي ورحنا الاعدادي وملينا من الدراسه وكنت (اشغب بنت فالمدرسه)...وكنت ادرس بأقل مجهود ممكن...بس الحمدالله كنت أطلع الخامسه او السادسه...وكنت أعذب المعلمات خصوصا الكريهات أما الطيبات لا..
وأكثر موقف واللي للحين مانسيته وكل مااتذكره امووت من الضحك هو قصه فصلي من المدرسه يوم واحد..
أليكم التفاصيل..فأحدى الحصص الدراسيه الممله ربيعتي اللي قاعده جنبي ترسم وهي رسامه محترفه قلتلها اشرايج ترسمين فلانه..فلانه كانت من المعذبات فالارض هي كانت زميلتنا بس كل يوم نسوي فيها مقلب..رسمتها بس بشكل قبيح قلتلها اشرايج ترسمين صور اولاد ونقول انها عذبتهم رسمت صور 3اولاد وكل واحد كتبنا قدامه شي..واحد عمره سنه كلته وهو حي...واحد عمره سنتين حطته بالغساله..واحد عمره 3سنوات حطته بالفرن وشوته...وكتبنا من يشاهدها عليه ابلاغ الشرطه فورا وبالاخر كتبا مع تحيات.............حطينا اسم واحد معرووف بالشرطه وقلدنا توقيعه بعد..اخذت الورقه وطبعتها وثاني يوم علقتها على جدران المدرسه...طبعا دايما اغير جو لبنات المدرسه واطلعهم من ملل الدراسه ومحد كان يقدر بعد كل يوم يشتكون علي..المهم جت حصه التربيه الاسلاميه وتعرفون مدرسات الدين طيبات وعلى نياتهم جت المدرسه وبايدها الورقه وميته من الخوف تقول يابنات خبروا امهاتكم ولاتخلون اخوانكم يلعبون برا البيت مسكينه مصدقه وانا مييييييييييييييييته من الضحك
عدا اليوم على خير وفاليوم الثاني نادتنا المديره انا وربيعتي رحنا واول مادخلنا شفنا مدرسه الدين وميييته من القهر قالت المديره منو سوا هالمنشورات؟قالت ربيعتي انا بسسسسسسسس رسمت والباقي هي..من هالموقف اكتشفت نذاله ربيعتي قلت هين اراويج..المهم قالت كم ارقام بيوتكم قالت ربيعتي رقمهم واتصلت المديره وقالت لامها تعالي خذي بنتج مفصوله يوم واحد...اول ماسمعت فصل قلت رحتتتتتتتتت فييييييييييييهاااااااااااااا..قالت كم رقم بيتكم قلت الرقم بسرعه نهايه رقم بيتنا777هي فكرته 000..(عجوز ماتسمع عدل:D) وانا أدعي يارب يارب محد يرد والحمدالله محد رد..قالت انتي ماتدخلين المدرسه الا وامج او ابوج معاج..انتهى الدوام ورحنا البيت
وأنا أفكر بحل يطلعني من هالورطه اذا ابوي درا بيقص راسي وبيعلقه فالبيت عبره لمن لايعتبر..كله ولا الدراسه عنده..المهم طلع حل وحيييد بس وبدا التنفيذ سويت نفسي مريضه ومارحت المدرسه اليوم الثاني..اتصلت فالبداله وخذت رقم مدرستنا واتصلت وغيرت صوتي180درجه قلت السلام مديره المدرسه قالت لا لحظه اناديها وانا ايدي على قلبي وأدعي يارب أستر..قالت الووو قلت السلام كيف الحال ليش بنتي مفصوله قالت بنتج انا بتقاعد والسبه هي شيطااااااااانه وكل يوم تسوي مشاكل قلت ليش شو سوت قالت السالفه من الالف للياء قلت اسوده الوجه ماتستحي ماعليه بخبر ابوها يادبها قالت لااا لازم تجين وتسالين عنها قلت ويين انا اقدر العيال وين اخليهم وابو العيال ماياكل من ايد الخدامات وانا اللي اطبخ والبيت كله على راسي وووووو وانتهى الموضوع وقعدت امدحها بعد وصكرت وانفجرررررررت من الضحك وانحلت المشكله لامن شاف ولامن درا...:D

وبعد من المواقف البارزه..كان في تكريم فالطابور كان بس للاول والثاني..وبعدين كل مدرسه تكرم البنت المتميزه فصفها..جا دور مدرسه العلوم نادت اسمي انا ررررررركض فزت بلقب الطالبه المبدعه...وبعدها جا دور مدرسه العربي وهذي تكررررررررررررهني كره العما مع اني ماسويتلها شي..نادت اسمي وانا زين مااغمى علي من الفرح وررررركض وقلت ياليت امي حاضره تشوف بنتها الشاطره.. فازت بلقب اسوء خط شفته بحياتي وكانت الهديه مجموعه أقلام خط عربي..خذت الهديه وهي تضحك ومستانسه اونها فشلتني..قلت ممكن المايكرفون
قلت حبيت اشكر اللي كرموني وانا مستانسه اني حصلت على احسن لقبين وهو الابداع والذكاء..أما الذكاء فهو من مدرسه العربي وحبيت اقولها أن في دراسات تقول ان اصحاب الخطوط المعقده هم الاكثر ذكاء وانا بدوري احب اهدي الهديه لمديره المدرسه لان خطي عاجبني وماظن بيتغير بهالاقلام وكل بنات المدرسه والمدرسات تصفيق وربيعاتي يصفرون بعد وجت المديره وخذت الهديه وقالتلي انتي محد يقدر عليج وهي تضحك والمدرسه انحرررررجت وماتت من القهر وتمت كارهتني لين طلعت من المدرسه...

وكان احلى يوم عندي اخر يوم بنهايه كل فصل دراسي كنت اركض ورا البنات بطفايه حريق وارشهم واشكالهم تموت من الضحك...

مواقف وااااااااااااااااااايد بس تكسرت ايدي وتعبت من الكتابه..والله كانت احلى ايام عمري اتمنى لو ارجع لها ساااعه بس.........

أما فالثانويه كبرنا وعقلنا والله هدانا كنت مشاغبه بس عالخفيييييييييييييييييييييييييييييييف وكنت الحمدالله من أوائل الفصل........يعني عشت حياتي بجميع مراحلها...

الحين جا دوركم كل واحد لاااااااازم يكتب.....:)

[شاليمار]

ياحبيلج يااضبيانيه قمر وربي وسعت صدرى بسوالفج الحلوةعليج طلعات وانتى صغينونه بس ماشالله على قواله المصريين اخوانا(أخذت حقك تالت ومتلت ) المهم ضبيانه ماطلعتى ضبيانيه طلعتى صبيانيه خعخعخع:p ماشالله عليج ....