الله من اللكاعه يافطيمه ويا هاالعود

[ابو برغش]

فطيمه هاذي من الكع البنات الي سمعت عنهم بس عندها مشكله ان عمرها وصل ال35 وقلبها يفحط على العرس يعني تبي تعرس ملت من الوحده وسهر الليالي .. و فطيمه هذي مزعجه وماتستحي وامرضت اهلها ابعرس ابعرس وابوها ضايق صدره من كثر هرجها مابقى الا يحط عليها سحب ... وامها ماخلت خطابة الا وعطتها صورتها ... بالعربي البنيه منقطع قلبها على العرس يعني مستويه معاد تقدر تصبر ...و يوم جا يوم من الايام ويتقدم لها ذاك الشايب المنقطع اللي لو يكح مات ...اهلها وافقو ... وقالو لها شوفيه المهم يوم شافته بغى يغمى عليها وصرخت على ابوها جايب لي هالبيجر لا ومشغل على الهزاز وشلون بيذبح له كافر ذا والله مايذبح ارنب... قال ابوها لا بعد شارط علينا انه مايقدر على شي يقول ترا ماابغى الا من الحمالات وفوق (حاملات الصدر)...وافقت فطيمه الملكعه بعد تفكير طويل ... وتملكت وشرط العويد اللي انه ماله الا من الحمالات وطالع في الملاك يوم جا العرس ودخل العويد على فطيمه الملكعه لقاها لابسة الحمالات في ركبها .. وقالت له المؤمنين عند شروطهم ... وصار العويد الكع منها وحاول يغير السالفه و قال انا راضين بكم يابنياتنا ولو ان ركبكم سود يعني توزونها والا ماتوزنونها مالنا الا هي والصبر ... المهم ان المره عاقبها ربي ونبت لها حلم في ركبها .... وطلع العويد ذيك الليله فقس ولزقه من مخباته وقال تعالي ادهني ركبي بهالفقس والزقي هاللزقه على ظهري المهم فطيمه الملكعه كانت جايبه معها حبوب فياقرا يوم شافته كذا قالت له انا معي دوى للركب والظهر ويخليك ولد ابو 20 سنه .. المهم طلعت الحبوب وعطته منها حبه ... وتلحف العويد وقال لها قوميني لصلاة الفجر لاتنسين ... المهم فطيمه عارفه وش بيصير وناظرته بطرف عينها وقالت احترني ان نمت... وكلها ربع ساعه الا وهالعويد الهالك طامر ذيك الطمره و يصايح توت توت تسنه بباي بس بدون غليون ... المهم ان العويد قام يتلفت معاد يشوف من الطاقه ... وقعد يعثي في هالكفار وصل حدود الصين ... مافك اهل الصين منه الا اذان الفجر المهم راح للصلاة واقام وصلى بهم هو من العجله ماينلام .. واسبوع وهو على هالحاله اللين خلى فطيمه تكره العرس وساعته ... المهم فطيمه الملكعه قعدت تفكر وشلون تفتك منه ماخلت طريقة الا وسوتها معه بدون فايده حاصة انه قام يدل الصيدليه ... و راحت البنيه وشكت لمها سوايا العود ...وفقت امها ثمها وقعدت تسال بنيتها وش هالحبوب وين تشترونها منه ووو وما امدى البنيه توصف الحبوب لمها الا وامها واقفه عند باب الصيدليه ... وراحت البنيه وشكت لبوها وعيال العود ومافاد .. قامت تصيح قدام هالعويد تبي الفكه منه ومافاد ... المهم ان فطيمه ضاقت حيلتها وتصككت كل الابواب في وجهها ..وصار مالها الا الشيخ هو اللي بيفكها منه..و راحت للشيخ وعلمته عن هالعويد وسواياه وشرطه في الملاك الي خالفه ... وحضر الشيخ العويد في المحكمه وقاله الشيخ انت شارط عليها كذا قال العويد نعم قال الشيخ انت اجل خالفت عقد الملاك لازم تطلقها مثل ماطلبت ... قال العويد ياشيخ انا يوم اخطبها وانا عارف انهم قرويين مايدرون عن الحمالات وشي له ... وادري ياطويل العمر انهم يلبسونها في ركبهم علشان كذا شرط عليهم هالشرط وانا عارف اني صعب القى بنت تحملني انا وكنت اخاف اخسر واتكلف وبعدين تطلب الطلاق ويوم عرفت انهم يلبسون الحمالات في ركبهم شرطت عليهم هالشرط ...
ضحك الشيخ وقال الظاهر اني ابدخلك مستشفى المجانين انت مهذري لازم تطلقها ... قال العويد يالشيخ اسالها كانها مهيب تلبس الحمالات في ركبها .... وسال الشيخ البنيه وقال لها صحيح هالكلام يابنيتي ... قالت ايه صحيح ... قال اجل يله روحي لبيت رجلتس مالتس طلاق