أحلى مها
21-10-2006, 11:53 PM
جاء يشوف الحال كيفه بعد ماهزه حنينه
وقبل يسألني سألته كيف حالك يالحبيب
قال انا كني غريب ضيع دروب المدينه
قلت انا كني مدينه تنتظر رجعة غريب
قال اجل وش فيك تكره سيرة الحب وسنينة
قلت اجل وشلون مااكره سيرته دامك تغيب
انت لامن غبت حتى مرايتك صارت حزينه
كيف ماتبغاني احزن وانت لي حظ ونصيب
الهدايا والرسايل والمكاتيب الثمينه
والليالي والقمر والريح والكون الرحيب
كل ماتبعد تجيب الشعر ليا من يدينه
وتقعد جروحي تودي فالطواريق وتجيب
يابعد كل القصيد ونزوه احداه وانينه
لاذكرتك لاح بيت وطاح ورد وفاح طيب
وان نسيتك مانساني صوتك المبحوح لينه
ياخذ لجرحي بثاره من خطاياك وييب
وبعد هذا جاي ترمي ذنبك بوجه المدينه ؟
مادريت ان المدينه كلها شمعه غريب
وقبل يسألني سألته كيف حالك يالحبيب
قال انا كني غريب ضيع دروب المدينه
قلت انا كني مدينه تنتظر رجعة غريب
قال اجل وش فيك تكره سيرة الحب وسنينة
قلت اجل وشلون مااكره سيرته دامك تغيب
انت لامن غبت حتى مرايتك صارت حزينه
كيف ماتبغاني احزن وانت لي حظ ونصيب
الهدايا والرسايل والمكاتيب الثمينه
والليالي والقمر والريح والكون الرحيب
كل ماتبعد تجيب الشعر ليا من يدينه
وتقعد جروحي تودي فالطواريق وتجيب
يابعد كل القصيد ونزوه احداه وانينه
لاذكرتك لاح بيت وطاح ورد وفاح طيب
وان نسيتك مانساني صوتك المبحوح لينه
ياخذ لجرحي بثاره من خطاياك وييب
وبعد هذا جاي ترمي ذنبك بوجه المدينه ؟
مادريت ان المدينه كلها شمعه غريب