فكرة مميزة

[قطعة حلا]

السلام عليكم ورحمة الله وبركاته
أنا ظيفة جديدة في منتداكم الرائع وإن شاء الله ما تخيبون ظني فيكم وتساعدون في إختيار الفكرة المناسبة :
أبغى أتاجر بشكل مبسط في بضاعة تكون مرغوبة فى وسط النساء مثل الشيال (الطرح ) أو الجلبيات أو البخور بس تكون هذه الأشياء متميزة في الجودة والشكل والسعر ففكرت أستوردها من الخارج يعني من الدول الخليجية الإمارات خاصة ( أنا من السعودية ) .
ما هو رأيكن في الفكرة ؟ ومين عندها إستعداد تموليني بالبضاعة ؟

وإذا كان هناك فكرة أخرى فلا تحرموني منها جزاكم الله خير ( الدين النصيحة )

[روووووووعة]

ما يندم اللي يدخل الموقع ـ أنا لازم آخذ من الإدارة حق الدعاية والإعلان لكن المشكلة إني عن جد معجبه في الموقع وفي إدارته عشان كذا كل حرف أقوله بالمجان ـ على بالي مؤثرة !
فكرتك يا قطعة الحلا مررررررررة ممتازة وكانت في يوم ما فكرة سبق وقدمتها لوحده ـ مهيب كفو أفكار عساها تغار منك لأنها تلاحق أي موضوع أكتبه في هالمنتدى الحلو ـ أرجع وأقول لك ترى الفكرة مره مره مره رووووووعه ـ مثلي الفرق اللي بيني وبينها هو التاء المربوطة ـ وأزيدك إذا ممكن تطوريها وتخليها بشكل أوسع يعني يشمل بيعك المحلات ، تخلي معك مندوبات ولك نسبة...... الخ وطبعاً ما أعتقد إن الحبايب اللي في الموقع بيقولون لا أكيد فيهم منهو في الإمارات ويكون بينك وبينه تنسيق حتى يضمن حقه !

[قطعة حلا]

السلام عليكم ورحمة الله وبركاته

أسعدني جدا ردك السريع على موضوعي وأعطني أمل في إني ماراح أطلع من هذا المنتدى خسرانة إن شاء الله ما دام فيه أخوات بروعتك ياروووووووعة
جزاك الله من خيري الدنيا والآخرة.

[روووووووعة]

شكراً شكراً على الغزل من موقع يستااااااهل كللللللللللللل " غزل " .
يلا يا الحلا وين رسالتك بسرعة أبي آخذ عمولتي !

[قطعة حلا]

وينكم يابنات المنتدى و وين أفكاركم

[أنوار الكويت]

السلام عليكم ورحمة الله وبركاته
اشلونك حبيبتي
باقول لك بصراحه انا لله الحمد داخله بهذه الشغله من حوالي اربع سنوات
واذا كنتي ناويه وجاده فانا اعين واعاون
بصراحه انتم بالسعوديه اسعاركم نار ررر وجوده متوسطه يعني ما تقولين توب100%
مثلا العبي عندكم ما تقدرين تاخذين العبايه باقل من200 ريال (انا عندي خبره بالسوق السعودي لان دايما اروح عمره لله الحمد ورحت جده وابهاوالرياض والباحه )
اذاكنتي تبين العبي فأنا عندي والله العظيم روعه وماتوصل100 ريال تخيلي انك تبيعين الوحده على الاقل 150 مثلا
ملافع يجننون باسعارمعقوله تتراوح بين 4-6 دنانير وانتم اللي اعرفه ان الملافع اللي فيها شغل بسيط مو اقل من ثمانين ريال تخيلي انك تبيعينها على الاقل بثمانين ريال


ونصيحتي لك اذا بغيتي تدخلين هالمجال انك تبدين بقلب قوي ما عليك من احد والرسول صلى الله عليه وسلم وصانا بالعمل والعمل موخاص بالرجل دون المراه وكذلك التجاره وراح تلقين ناس كثير يحطمون معنوياتك بس عمرك ماراح تحكمين على الشيئ الا اذا جربتيه ومنتي خسرانه شيئ
اول شيئ اخذي كميات بسيطه من كل شغله واللي يمشي ردي واطلبيه
ولا تاخذين محل حطي لك في بيتك غرفة عرض تكون منفصله عن البيت واعرضي فيها وبلغي زميلاتك وخواتك وجيرانكم وبسرعه صدقيني الاشياء اللي ماتكون موجوده بالسوق وغريبه تطييير بس لاتتعاملين بالدين وقولي ليش لان يجيب عوار الراس

ولا تقتصرين على شغلات محدده شوفي المكياج عندكم غالي واقدر اوفره لك بسعر الجمله

والشحاطات عندي شحاطات للبيت روعه من3-5 اللي بتلت دنانير بيعيه على 60 ريال واللي اغلى بيعيه على70- 80-
وارواب روعه ورخيصه تربحي ن بالقطعه على الاقل 20 ريال
والعود عندي يجنن
وصراحة انا مدرسه والحمد لله راتبي زين بس التجاره غير لدرجة اني مفكره استقيل

واذا كنتي تبين عينات من كل اللي عندي اطرشهم لك بسعر الجمله

مع احترامي والللللللله يوفقك سواء اخذتي من عندي والا لا


اللهم يا حي يا قيوم ارزقني وارزق المسلمات امين

[zayed]

قرات العرض والردود.............وان شاء الله ان الموضوع اثمر خير على كافه الاطراف
الاخت قطه حلا اصبحت تاجره
والاخت روعه حصلت على العموله
والاخت انوار الكويت سوقت بضاعتها

اتمنى ان اسمع تجربتكم

تحياتى وسامحونا
زايد