فكرة نشاط نسائي للي يحب يتعاون

[Miss Ebay]

صباحكم بالخير

نظرا لخبرتكم الواسعه في مجال المعارض والفعاليات النسائية فحبيت انا وزميلتي نعمل نشاط في شهر رمضان باسم مؤسسة التدريب الي نشتغل فيها

اهداف النشاط :
1- الدعايه للمؤسسة
2- تقديم فعاليات ترفيهية لعميلاتنا

ماعندنا مشكلة بالمقر سواء كان فندق او قاعه خارجية بس عندنا كم استفسار حابين تفيدونا
فيه اذا امكنكم :

1- هل تحتاج مثل هذه الفعاليات الى تراخيص ومن وين وكم مدة استخراجها ؟
2- هل فيه اشخاص او مكاتب تستخرج لنا هذه التراخيص باسرع وقت ؟
3- هل ممكن انه احد يوفر لنا جهات ترعى النشاط مقابل نسبه لها ؟
4-نحتاج لمشاركات متنوعه من خارج المملكة فمن يمكن ان يوفر لنا هذه المشاركات ؟
5- ايش افضل القاعات الي تعتبر مناسبه لمثل هذه الانشاطة

الفكرة ان النشاط يكون مدة 3 او 5 ايام بديكور تراثي واركان تراثية شعبيه من مأكولات
وملابس وادوات وغيره .. مع العلم ان النشاط بيكون بمدينة الرياض


اتمنى اننا نلاقي منكم التوجيه والاقتراحات الحلوة الي ننتظرها منكم

ويعطيكم الف عافيه

[ناصر السبيعي]

ياهلا عزيزتي فكرة أكثر من رائعه وراح تكون ممتعه ومربحه بنفس الوقت ولاتنسين حنا مقبلين على شهر رمضان والاسواق اللي زي كذا يكثر الزوار لها برمضان اما بالنسبه للترخيص فأتوقع سهل بدل ماتعبين نفسك وصي مكتب خدمات عامه ,, على فكرة لقلة التكاليف إستاجروا إستراحه داخل البلد لتكون قريبه ,, وبالتوفيق

[Miss Ebay]

أشكرك اخ ناصر للتشجيع
وماننحرم من هالنصايح الطيبة يارب
فكرة الاستراحة حلوة وتوفر كثير راح اسال عنها لاني مالي خبره كثيرة فيها

يعطيك العافية

[الجازية]

جدا رائع
وأتمنى المزيد من الافكار الجديدة

[ناصر السبيعي]

الله يوفقكم وينكم ياسيدات الأعمال شوفوا فيه أفكار ونشاط وتميز وربح ورونا همتكم

[جمال الروح]

اختي بأي مدينه ؟

وعلى فكره ترى فيه صعوبات كثيره لاني انا مثلك بس اللي عاق مشروعي ترخيص ورافضين يعطوني ياها الا بعد 8 شهور

فيه ترخيص من وزارة التجاره

وفيه ترخيص من وزارة الشؤون الاسلاميه

الترخيص الاول بسهولة تقدرين تاخذينه اذا كان عندك بطاقة احول

اما الترخيص الثاني رافضين بتاتا لحد مايدروسون المشروع لانه تجمع نسائي والتراخيص اللي مثل هذي رفضوه من قبل مكتب في الرياض

انتي استفسري اكثر من سيدات الاعمال اللي لهم خلفيه عن هذا

واتمنى اني اخدمك

بس اللي ابي اعرفه انتي بأي مدينه ؟

[يوني]

بالتوفيق للجميع
واتمنى المزيد من الافكار والابداعات

[قايدة الريم]

الله يوفقكم

[اشطان]

السلام عليكم نظرا لخبرتنا في المجال لنا طرقنا في الحصول علي التصارح والرعاه وتنظيم وتنسيق الحمله الدعائيه وللتواصل ashtan2000@hotmail.com

[finartcenter2006]

السلام عليكم ورحمة الله وبركاته
Miss Ebay
والله اللي أعرف ان التصاريح لمثل هذي الانشطة صعب الحصول عليها
وانا نفسي حاولت ان اطبق نشاط بالشرقية وكان جاهز للتنفيذ ولكن العقبة كانت التصريح
فإذا فيه من يستطيع شرح الطريقة للحصول على التصريح واسما جهات معتمدة للحصول على التصريح عن طريقها اكون شاكرة جدا

[النافعة]

السلام عليكم
اعرف مركز نسائي ممتاز لمثل هذه الانشطة و هو مرخص لاقامة مثل هذه الفعاليات
بمدينة الرياض على طريق الملك عبد الله و عثمان بن عفان -مدينة مزايا النسائية
احتفلنا فيه بحفلة تخرج بنات - ممتاز الموقع - راقي
موفقة ان شاء الله

[الضوء الاخضر]

السلام عليكم ورحمه الله وركاته

نحن موسسه متخصصه في تنظيم المعارض والتسويق ممكن نتعاون معكم

[ღقمورة ღ امورة ღ]

يااااااااااااااليت تحددين باي مدينه

[بيبي فل]

عفوا على المرور

[none2008]

ياليت احد يساعدنا

انا ابي ترخيص بجده

يراسلني ع الاخاص في اسرع وقت


وبالتوفيق يارب

[صراط مستقيم]

الله يوفق الجميع يا رب

و أقول لكم لأزم تحاولون مهما كانت العقبات لأنكن مبدعات والمجتمع النسائي بحاجة للترفية

[ام عيـــون]

بالتوووووفيق لكم

[shdoOo]

ماشاءالله تباااااارك الله.. والله اشياء حلوه وتحمس مرررررررره

حبيت اعرف في امكانيه اني اشتغل معاكم؟؟ انا ودي اني انظم لجروب يعملو بازارات ومعارض زي كدا

ياليت لو محتاجين بنات تقولي لي اختي.. وانا اكون عند الطلب.. للمعلوميه انا بمدينة جده وتخصصي ادارة اعمال وتسويق