ثلاثينى مثقف
28-05-2006, 02:23 PM
وش عاد يا دار ٍ بها صار ( توطين )
و في مكتب التوظيف فلان وفلان !
كل ما اتصلت اسمع ( الو مرحبا مين ؟
اقول انا لي اتصل صار شهرين
و انتوا وعدتوني متى بس توفون
اسمي ( مواطن ) ( جامعي ) طيب و زين
كني ابخطب عندكم و اتّغلون !
عندي شهاده طايحه بكبدي سنين
عشش عليها شي له ستة عيون !!
لو للشهاده لسان قالت ( على وين
ناوي توديني .. تلف فيني الكون ؟ )
من كثر ما صورتها غارق بدين
للهندي راعي المطبعه صرت مديون
لا ليلي ليل ولا نهاري نوى يبين
دقيت راسي لين ما صرت مجنون !
مطلوب خبره عالأقل في مجالين
ولا تجينا بواسطه و سير مدهون !
ولا انثبر في بيتك .. افرك بكفين
يومك يشابه امسك و عيش مغبون
تعدادنا فوق الملايين
ويلاه من باكر اذا وضعنا الحين
و احنا اقل من الربع حالنا شجون !
و اللي ابتسم له حظه والله مسكين !
حصّل وظيفه .. بس في وين .. تدرون ؟
ساكن في (.....) .. حطوه في (.....) !!
يشوف اهله بس في الأسبوع يومين
و اذا حسبتوا الدرب كم ساعه .. تبكون
يعني في كل احواله ذاق الأمرين
شغّال محزون و بلا شغل محزون
و المقيم اللي راتبه فوق عشرين
فله و سياره و تذاكر .. و .........
عنده بدل كل شي عالراتب الفين
يرحل و هو جاحد .. و كم مثله يجحدون!
ومردّهم لبلادهم لو يطولون
و الخل لو عاتب محبينه يمون
داري و انا اولى بها من الغير
ما يوصلون لحبها لو يموتون
و ( الأقربون اولى ) .. كلام ٍ من الدين
ولد البلد ما يبغي لبلاده الشين
بالروح بالدم يفتديها ولا يخون
لكن سؤاله يوم قلتوا له ( توطين )
يا كيف بيد الغرب توظيفه يكون ؟؟!!
شعارهم معروف ( راجعنا بعدين )
و باين من التأجيل .. انهم يخافون
اذا معك خبره .. يا اهلين و سهلين
و اذا شهاده بس .. عنك يصدون
ما عندنا شاغر .. و بطلنا تعيين
ولو تحرق الهاتف ترى ما يردون !
من وين اجيب الخبره ؟ من وين من وين ؟
عندي بمطبخ بيتنا خبره سنتين !
تنفع اذا صاروا المطاعم يوطنون ؟؟!
ولا اهاجر و آخذ الخبره في الصين ؟
صح العيون صغار .. لكن يقدْرون
سؤال يا دار ٍ ..صراحه بترضين ؟
اني اسافر و اطلب الغرب لي عون ؟
و سؤال يا ناس ٍ على الراس و العين
صدق الوظايف واسطه و سير مدهون ؟
اما الجواب الشافي يجيني الحين
او هاتوا تأشيره .. اذا كنتوا ترضون !
القصيده للشاعر من الامارات تم التعديل عليها
و في مكتب التوظيف فلان وفلان !
كل ما اتصلت اسمع ( الو مرحبا مين ؟
اقول انا لي اتصل صار شهرين
و انتوا وعدتوني متى بس توفون
اسمي ( مواطن ) ( جامعي ) طيب و زين
كني ابخطب عندكم و اتّغلون !
عندي شهاده طايحه بكبدي سنين
عشش عليها شي له ستة عيون !!
لو للشهاده لسان قالت ( على وين
ناوي توديني .. تلف فيني الكون ؟ )
من كثر ما صورتها غارق بدين
للهندي راعي المطبعه صرت مديون
لا ليلي ليل ولا نهاري نوى يبين
دقيت راسي لين ما صرت مجنون !
مطلوب خبره عالأقل في مجالين
ولا تجينا بواسطه و سير مدهون !
ولا انثبر في بيتك .. افرك بكفين
يومك يشابه امسك و عيش مغبون
تعدادنا فوق الملايين
ويلاه من باكر اذا وضعنا الحين
و احنا اقل من الربع حالنا شجون !
و اللي ابتسم له حظه والله مسكين !
حصّل وظيفه .. بس في وين .. تدرون ؟
ساكن في (.....) .. حطوه في (.....) !!
يشوف اهله بس في الأسبوع يومين
و اذا حسبتوا الدرب كم ساعه .. تبكون
يعني في كل احواله ذاق الأمرين
شغّال محزون و بلا شغل محزون
و المقيم اللي راتبه فوق عشرين
فله و سياره و تذاكر .. و .........
عنده بدل كل شي عالراتب الفين
يرحل و هو جاحد .. و كم مثله يجحدون!
ومردّهم لبلادهم لو يطولون
و الخل لو عاتب محبينه يمون
داري و انا اولى بها من الغير
ما يوصلون لحبها لو يموتون
و ( الأقربون اولى ) .. كلام ٍ من الدين
ولد البلد ما يبغي لبلاده الشين
بالروح بالدم يفتديها ولا يخون
لكن سؤاله يوم قلتوا له ( توطين )
يا كيف بيد الغرب توظيفه يكون ؟؟!!
شعارهم معروف ( راجعنا بعدين )
و باين من التأجيل .. انهم يخافون
اذا معك خبره .. يا اهلين و سهلين
و اذا شهاده بس .. عنك يصدون
ما عندنا شاغر .. و بطلنا تعيين
ولو تحرق الهاتف ترى ما يردون !
من وين اجيب الخبره ؟ من وين من وين ؟
عندي بمطبخ بيتنا خبره سنتين !
تنفع اذا صاروا المطاعم يوطنون ؟؟!
ولا اهاجر و آخذ الخبره في الصين ؟
صح العيون صغار .. لكن يقدْرون
سؤال يا دار ٍ ..صراحه بترضين ؟
اني اسافر و اطلب الغرب لي عون ؟
و سؤال يا ناس ٍ على الراس و العين
صدق الوظايف واسطه و سير مدهون ؟
اما الجواب الشافي يجيني الحين
او هاتوا تأشيره .. اذا كنتوا ترضون !
القصيده للشاعر من الامارات تم التعديل عليها